Lirik/Sya’ir Tari Rangkarang

SYAIR TARI RANGKARANG

ciiptaan; Ustadz Saifullah

_Tari epon asli oreng Randutatah, Kecamatan Paiton, Kabupaten Probolinggo

Tari Rangkarang moga daddi sonarra, seni budaya Indonesia

Rangkarang tore rangkarang
Rangkarang tore rangkarang
Nyare kerang odhi’na tak rang-korang
Sokkore odhi’ sabhele pon tak posang x 2

Ref.

Bile depak baktona asat aengnga
Gumbirana oreng-oreng Randutatah
Ngajak kanca tore bareng arangkarangnga

Sae ongghu ollena asel Rangkarang
Sokkora dhari asel bhumi Pangeran
Olle kerang belenjana tak rang-korang

Rangkarang tore rangkarang
Rangkarang tore rangkarang
Nyare kerang odhi’na tak rang-korang
Sokkore odhi’ sabhele pon tak posang

Ref.

Tari Rangkarang asalla Randutatah
Sadaja wargana senneng tor bhungana
PE POMI paneka pendukung utama

Lebat Tari Rangkarang daddi panerrang
Matennang ate ban pekkeran se posang
Napa pole posang se mekkeren otang

Rangkarang tore rangkarang
Rangkarang tore rangkarang
Nyare kerang odhi’na tak rang-korang
Sokkore odhi’ sabhele pon tak posang

Nyare kerang tore jaga Randutatah
Sopaja’a disa atambe sonarra
Jak ngarosak ban ngotore lingkunganna

Tari Rangkarang moga daddi sonarra
Wisata Probolinggo tambe majuna
Tore jaga rabat seni budayana

Rangkarang tore rangkarang
Rangkarang tore rangkarang
Nyare kerang odhi’na tak rang-korang
Sokkore odhi’ sabhele pon tak posang